Боловсрол, Шинжлэх ухааны газраас боловсролын салбарын нягтлан бодогч нарын нэгдсэн уулзалт, сургалтыг Дархан-Уул аймгийн Санхүү, төрийн сангийн хэлтэс, Дархан-Уул аймгийн Санхүүгийн хяналт, дотоод аудитын албатай хамтран 2023 оны 5 дугаар сарын 08-ны өдөр Гэр бүл, хүүхэд, залуучуудын хөгжлийн газар зохион байгууллаа. 

Сургалтад төрийн өмчийн ерөнхий боловсролын сургууль, цэцэрлэгийн нийт 41 байгууллагын нягтлан бодогч хамрагдлаа. Тус сургалт, уулзалтад БШУГ-ын дарга Л.Буянтогтох “Цаг үеийн мэдээлэл, цаашид анхаарах асуудал” сэдвээр, Дархан-Уул аймгийн Санхүү, төрийн сангийн хэлтсийн дарга Б.Жаргалсайхан “Дархан-Уул аймгийн 2023 оны төсөвт шийдвэрлүүлэх асуудлууд” сэдвээр, Дархан-Уул аймгийн Санхүүгийн хяналт, дотоод аудитын албаны аудитор Ш.Отгон “Шилэн дансны хуулийн хэрэгжилт, шинэчилсэн цахим хуудас”  сэдвээр, БШУГ-ын төсвийн төлөвлөлт, зохицуулалт хариуцсан ахлах мэргэжилтэн Ш.Нарантунгалаг “Боловсролын салбарын төсвийн шинэчлэл, хэрэгжилт” сэдвээр тус тус мэдээлэл өгч, салбарын нягтлан бодогч нарт тулгамдаж буй асуудлуудыг сонсож,  хэрхэн шийдвэрлэх талаар санал солилцлоо.