Дархан-Уул аймгийн Засаг даргын тамгын газар ба Шинжлэх Ухаан Технологийн Их Сургуулийн хооронд сургалт, судалгаа, нийгэмд чиглэсэн үйл ажиллагаа хэрэгжүүлэх, эрдэм шинжилгээ, судалгаа, инновацийн хамтын ажиллагаа, түншлэлийг өргөжүүлэх чиглэлээр хамтран ажиллах санамж бичиг Дархан-Уул аймгийн Засаг даргын орлогч А.Түвшинбат, ШУТИС-ийн захирал Т.Намнан нар байгуулав. Хамтын ажиллагааны хүрээнд аймгийн төрийн болон төрийн бус байгууллагын удирдлага, албан хаагчид, ЕБС-ийн багш, ахлах ангийн сурагчдад зориулсан сургалт зохион байгуулах, судалгааны төсөл, хөтөлбөр хэрэгжүүлэх, аймагт нэн шаардлагатай мэргэжлүүдээр ШУТИС-ийн ахисан түвшний сургуульд суралцуулах, тэтгэлэг олгох, ШУТИС-ийн ахмад багш, профессоруудыг аймагт эрдмийн элчээр ажиллуулах, төгсөгчдийг орон нутагт нь ажлын байраар хангахад дэмжлэг үзүүлэх, төр-их сургууль-үйлдвэрийн хамтын ажиллагааг өргөжүүлэх үйл ажиллагаа хийгдэнэ.