Сургуулийн хамт олон багш, сурагч, эцэг эхийн судалгаа, тулгамдсан асуудалд үндэслэн алсын хараа, сургуулийн зорилго, зорилтоо тодорхойлон менежментийн загварыг 6 чиглэлийн дагуу гарган хэрэгжүүлж байна. Үүнд :

- Лаботари Оюуны Ирээдүй цогцолбор сургуультай хамтран ажиллах төлөвлөгөөг боловсруулан 30 үйл ажиллагааг төлөвлөснөөс 22 ажил буюу 80 хувийн хэрэгжилттэй байна.

- Хонгор сумын 14 дүгээр сургуулийн 6 дугаар ангид – “Хүннүгийн соёл” түүхийн хичээл , 10 дугаар ангид “ Эрх мэдлийн тэгш хуваарилалт” нийгмийн ухааны судалгаат хичээлийг Оюуны Ирээдүй цогцолбор сургуулийн МУ – ыбн зөвлөх багш Б.Мөнхжаргалын зөвлөгөө, чиглүүлгээр зохион байгуулж, хэлэлцүүлгийг явууллаа. Хичээлийн нэгдсэн хэлэлцүүлэгт БЕГ – ын мэргэжилтэн Б.Гэрэлмаа, БШУГ – ын мэргэжилтэн Б.Өнөрбаян, ОИЦ сургуулийн сургалтын менежер О.Удвал, судлагдахууны 8 багш нар оролцлоо.

- Багш солилцоо хөтөлбөрийг хэрэгжүүлэн нийт 5 багш хамрагдан харилцан туршлага солилцох, багш нар сургуулийнхаа, хамт олныхоо, өөрийн тэргүүн туршлагыг түгээн дэлгэрүүлэх, багшийн хийж гүйцэтгэсэн судалгааны ажлуудыг танилцуулах, нээлттэй хичээл, судалгаат хичээл зохион байгуулах, хүүхдийн хөгжлийг дэмжсэн үйл ажиллагаа зохион байгуулах зэрэг олон талт үйл ажиллагааг хэрэгжүүллээ.

- Дотуур байр болон бага ангийн сурагчдын дунд “ Би хэн бэ?” сэдвээр өөрийнхөө дотоод сэтгэлийг нээх, найзынхаа сайн талыг олж харах гэх мэт чиглэлээр нийт 160 сурагчийг хамруулсан сургалтыг зохион байгууллаа.

- БҮТ – ийн даалгаврын сангийн мэргэжилтэн Лхагвадуламтай хамтран “ Даалгавар боловсруулах арга зүй “ сургалтыг зохион байгуулсан бөгөөд Дархан- Уул аймгийн төрийн болон төрийн бус өмчийн 16 сургуулийн удирдах ажилтан болон багш нийт 120 хүнийг хамруулсан байна.

Үйл ажиллагааг зохион байгуулахдаа хүүхэд рүү чиглэсэн, хүлээгдэж буй үр дүнг тооцсон, уламжлалт бус шинэлэг байдлаар төлөвлөх, арга барилаа улам сайжруулж, сургуулийн 2023 оны ажлын зураглал, төлөвлөлтөө гүйцэтгэлийн үнэлгээндээ тулгуурлан сайжруулах ажил хийгдэж байгаа ба Боловсролын ерөнхий газрын сургалтын хөтөлбөрийн хэрэгжилтийн хэлтсийн мэргэжилтэн Б.Гэрэлмаа ахлан ажиллаж байна.