БОЛОВСРОЛЫН ГЭРЧИЛГЭЭ, ҮНЭМЛЭХИЙГ НӨХӨН ОЛГОХ ТУХАЙ
Боловсролын гэрчилгээ, үнэмлэхийг нөхөн олгоход БСШУхааны сайдын 2008 оны 12-р сарын 08-ны өдрийн 112-р тушаалыг баримтан ажиллах тухай.
Боловсролын гэрчилгээ, үнэмлэхийг хүчингүй болгосон, хаясан, гээсэн, үрэгдүүлсэн тохиолдолд доорх байдаар нөхөн олгоно.
Бүрдүүлэх шаардлагатай материалууд:
1. Гэрчилгээ, үнэмлэхийг нөхөн олгохыг хүссэн өргөдөл /Өргөдөлд хэдэн онд, аль сургуулийг хэн багштай хэдийн хэд ангийг төгссөн, бичиг баримтаа хэдийд гээгдүүлсэн учир шалтгаанаа бичиж гэрийн хаяг, утасны дугаараа үнэн зөв бичнэ./
2. Сургууль төгссөнийг батлах сургуулийн захирлын тодорхойлолт /Тодорхойлолтод сургууль төгссөн он, анги, АУБ-ийн нэр болон олгосон боловсролын бичиг баримтын дугаарыг бичнэ./
3. Суурь, бүрэн дунд боловсролын гэрчилгээ, үнэмлэхэнд тавигдсан дүнгийн баталгаажсан Б маягтын хуулбар /Хуулбарласан хүний гарын үсэг тэмдэг байна./
4. Гээгдүүлсэн болон зөрчилтэй бичиг баримтны дугаарыг хүчингүйд тооцсон сонины газрын тодорхойлолт
5. Иргэний үнэмлэх / эх материал болон хуулбарын хамт/
6. Боловсролын бичиг баримтын үнийг бэлнээр хураалгана.
- 2011 он хүртэлх 4500 төгрөг
- 2012-2013 он 6000 төгрөг
- 2014 он 9000 төгрөг /хэвлэлтийн үнийг 3 нугалж төлнө/
Жич:
• Боловсролын бичиг баримтын дугаар олдоогүй бол энэ тухай сургуулийн тодорхойлолтод тэмдэглэнэ.
• Дүнгийн баталгаажсан Б маягт олдоогүй бол хувийн хэрэг, төгсөлтийн монтаж, журналын жилийн эцсийн дүн зэрэг холбогдох материалын баталгаат хуулбарыг авчирна.
• Зөрчилтэй боловсролын гэрчилгээ, үнэмлэхийг эхээр нь авчирч хураалгана.
Нийтлэгдсэн: 2019-10-21 14:30:00